परराष्ट्रमन्त्रीद्वारा शोक व्यक्त
परराष्ट्रमन्त्री डा नारायण खड्काले पूर्वअमेरिकी विदेशमन्त्री मेडेलिन अल्ब्राइटको निधन भएकामा गहिरो दुःख प्रकट गर्दै समवेदना व्यक्त गर्नुभएको छ ।
राष्ट्रपति बिल क्लिन्टनको प्रशासनमा पहिलो महिला विदेशमन्त्रीका रूपमा अमेरिकी विदेश नीतिलाई अगाडि बढाउन महत्वपूर्ण भूमिका निर्वाह गर्नुभएकी उहाँको बुधबार ८४ वर्षको उमेरमा निधन भएको हो । उहाँ क्यान्सरबाट पीडित हुनुहुन्थ्यो ।
“म्याडम अल्ब्राइटले नेपाल–अमेरिका सम्बन्धलाई मजबुत बनाउन गर्नुभएको योगदान र मानवताप्रतिको करुणाका लागि नेपाली जनताले सम्झिरहनेछन् ”सामाजिक सञ्जालमा मन्त्री खड्काले समवेदना व्यक्त गर्दै लेख्नुभएको छ ।
एक शरणार्थी, आप्रवासी महिला उहाँलाई प्रतिभाशाली रणनीतिकार एवं कूटनीतिक ‘रोल मोडेल’ का रूपमा धेरै अमेरिकी महिला कूटनीतिज्ञहरूले लिने गरेका छन् । अमेरिकाको उच्च कूटनीतिज्ञ बन्नु अघि संयुक्त राष्ट्रसङ्घका लागि अमेरिकी राजदूतको रूपमा सेवा गर्नुभएकी उहाँले आणविक हतियारको अप्रसार रोक्न तथा विश्वभर मानवअधिकार र लोकतन्त्रको प्रवद्र्धनमा उल्लेखनीय भूमिका निर्वाह गर्नुभएको थियो ।
प्रतिक्रिया
सम्बन्धित खवर
