न्युज कारखाना
सप्तरी, २५ पुस
तिलाठी कोइलाडी गाउँपालिका-४ का १० वर्षीय सकलदेव सदा चिसाेले ज्यान गुमाएका ४५ वर्षीय बाबु देबु सदाको किरियामा बसेका छन् । देबुकाे पाँच दिनअघि राति सुतेकै बेला कठ्याग्रिएर मृत्यु भएको थियोे ।
६ वर्षअघि उनकी आमाकाे पनि कठ्याग्रिएर ज्यान गएकाे थियाे । उनले भने, ´विपन्ता र चिसोले मलाई अनाथ बनायो । दुई छाक टार्नुभन्दा पनि अहिले बाबुको काजकिरिया कसरी उकास्ने भनेने चिन्ता छ।’
उनलाई सहयोग गर्नेहरू पनि अग्रसर भएका छन् । देबु सदाको परिवारलाई गाउँपालिकाका अध्यक्ष अरुणकुमार मण्डल, वडा नम्बर ४ का वडा अध्यक्ष मुनिलाल मुखिया, वडा नम्बर ५ का वडा अध्यक्ष ललनप्रसाद राउतले राहत सामग्री हस्तान्तरण गरेका छन् ।
गाउँपालिकाको कार्यालयबाट आइतबार ५० किलो चामल, ५ किलो मुरही, ५ किलो दाल, ५ किलो नुन, अढाई किलो खाने तेल, दुई थान ब्ल्यांकेट र एक थान त्रिपाल प्रदान गरिएको गाउँपालिकाका विपद् व्यस्थापन अधिकृत राजेशकुमार झाले जानकारी दिए ।
उक्त अवसरमा जनस्वास्थ्य निरीक्षक दिपक मण्डल, कांग्रेसका नेता शम्भूलाल देवसहितको सहभागिता रहेको थियो ।
प्रतिक्रिया
सम्बन्धित खवर
