न्युज कारखाना
काठमाडौं, ८ पुस
विश्व साइकल यात्रामा निस्कन लागेका ज्ञान महर्जनलाई गैरआवासीय नेपालीहरुको संस्था एनआरएनएले साइकल सहयोग गरेको छ । आईसीसीको सचिवालय काठमाडौंमा आयोजित एक कार्यक्रमकाबीच महर्जनलाई कार्यकारी अध्यक्ष रविना थापा, आईसीसी सदस्य प्रदीप न्यौपाने लगाएतले साइकल हस्तान्तरण गरेका हुन् ।
एनसीसी चाइनाको सहयोगमा किनिएको साइकल हस्तान्तरण गरेपछि जुमबाटै जोडिएका चाइनाका अध्यक्ष रोहित अग्रवालले आगामी दिनमा पनि सहयोग गर्ने प्रतिवद्धता जनाए ।
कार्यक्रममा विश्व साइकल यात्री महर्जनले पहिलो पटक ग्रेटवाल अफ चाइनाबाट आफ्नो साइकल यात्रा सुरुको स्मरण गरेका थिए । विश्वव्यापीरुपमा समस्या बन्दै गएको ग्लोबल वार्मिङको विषयमा जनचेतना जगाउने र गैरआवासीय नेपालीहरुसँग पनि भेटघाट गर्ने उद्देश्यर रहेको बताए ।
कार्यकारी अध्यक्ष थापाले विभिन्न व्यक्तिहरुले एनआरएनएसँग अपेक्षा राखेको बताउँदै सकारात्मक कामका लागि संस्थाले सधै प्रोत्साहन गर्ने बताइन् । उनले विश्व साइकल यात्राका क्रममा गैर आवासीयहरुले आफ्नो आफ्नो ठाउँबाट सहयोग गर्ने प्रतिवद्धता पनि जनाइन् ।
विश्वसाइकल यात्री महर्जनले जनवरी १५ तारिखबाट आफूले यात्रा सुरु गर्ने जानकारी दिए । जनवर १५ मा मलेसियाबाट यात्रा सुरु गर्ने बताउँदै अहिले
स्वीडेनको भिसा लगाउने प्रक्रियामा रहेको र भिसा लागेमा सेन्जन कन्ट्रीहुँदै भ्रमण गर्ने अन्यथा थाइल्याण्ड, लाओस, भेतनाम हुँदै यात्रा गर्ने पनि जानकारी दिए ।
प्रतिक्रिया
सम्बन्धित खवर
