न्युज कारखाना
जुम्ला, ५ पुस
गृह मन्त्रालयले जुम्लामा कोबाेकलेक्ट मोबाइल एप्स विषयमा अभिमुखीकरण गरेको छ । गृह मन्त्रालयअन्तर्गतको राष्ट्रिय विपद् जोखिम न्यूनिकरण तथा व्यवस्थापन शाखाले जुम्लाका स्थानीय तहमा कार्यरत प्राविधिकलाई यस्तो प्रशिक्षण दिएको हो ।
गत असोज महिनामा परेको अविरल वर्षाका कारण जुम्लामा बाढीपहिरोले ठुलो क्षति पुर्याएकाे थियो । समयमै सूचना नपाउँदा उद्धार र राहतमा ढिलाइ भएकाे थियाे । आगामी दिनमा विपद्का वेला समयमै सूचना दिन सक्ने गरी घटनास्थलबाटै अपलोड फाेटाे, जानकारी दिन सकिने कोबाेकलेक्ट मोबाइल एप्स प्रयाेग बारे अभिमुखीकरण दिएको हो ।
मन्त्रालयका उपसचिव ध्रुवबहादुर खड्का, सूचना प्रविधि अधिकृत युवराज भण्डारीसहितको टोली जुम्ला पुगेर एप्सको बारेमा स्थानीय तहका प्राविधिक, जनप्रतिनिधि, विपद् शाखा र विपद् व्यवस्थापन समितिलाई प्रशिक्षण दिएको हाे ।
राष्ट्रिय विपद् जोखिम न्यूनिकरण तथा व्यवस्थापन शाखाका सूचना अधिकृत भण्डारी ६७ वटा जिल्लामा भर्चुअल रुपमा तालिम दिएकाे बताए ।
