बारा, ९ मंसिर
बारा १ बाट प्रतिनिसिसभा सदस्यमा एमालेका उम्मेदवार अच्युतप्रसाद मैनाली निर्वाचित भएका छिन् । एमाले पोलिटव्युरो सदस्यसमेत रहेका मैनाली नाै हजार १३९ मतको फराकिलो मतान्तरले निर्वाचित भएका हुन् ।
मैनालीले ३९ हजार १९५ मत प्राप्त गर्दा उनको निकटतम प्रतिद्वन्द्वी नेपाली कांग्रेसका सहमहामन्त्री तथा बहालवाला खानेपानी मन्त्रीसमेत रहेका उमाकान्त चौधरीले ३० हजार ५६ मत प्राप्त गरेका छन् ।
मैनालीले गणनाको सुरुवातदेखि अग्रता लिएका थिए । मैनाली र चौधरीबीचको प्रतिस्पर्धा प्रतिस्पर्धात्मक हुने अनुमान गरिएकाे थियाे । तर एमालेले राम्राे कमब्याक गर्याे । चौधरी नेपाल सरकारका खानेपानीमन्त्री र नेपाल कांग्रेसका सहमहामन्त्री हुन् ।
मैनाली एमालेको पोलिटव्युरो सदस्य एवं मधेस प्रदेश इन्चार्ज हुन् । एमाले अध्यक्ष केपी ओली प्रधानमन्त्री हुँदा मैनाली जनसम्पर्क सल्लाहकार थिए ।
ठूला पार्टीका यी दुई प्रभावशाली नेता २०७४ सालमा बारा १ बाट एकअर्काका प्रतिस्पर्धी थिए । उक्त निर्वाचनमा कांग्रेसका चौधरी दुई हजार ४२० मतले विजयी भएका थिए ।[][]
प्रतिक्रिया
सम्बन्धित खवर
