भीरमा सेल्फी खिच्न खोज्दा चिप्लिएर खसेपछि महिलाको मृत्यु, श्रीमानले हात समाते पनि बचाउन सकेनन्

काठमाडौं । अष्ट्रेलियामा बस्दै आएकी भारतीय मूलकी एक महिला परिवारसँग छुट्टी मनाउँदै थिइन् । सेल्फी लिन उनी पहाडको चुचुरो छेउमा गएकी थिइन् । यसै क्रममा उनको खुट्टा चिप्लियो । यसपछि उनी सय फिट तल खसिन् र उनको मृत्यु भयो ।३८ वर्षीया रोजी लुम्बा आफ्नो परिवारसँग अष्ट्रेलियाको बोरोका लुकआउट नजिकै घुम्न गएकी थिइन्। यसै क्रममा श्रीमान् र छोराछोरीका अगाडि चुचुरोको किनारबाट खसेर उनको मृत्यु भएको थियो । यो घटना डिसेम्बर २०२० को हो तर अहिले यस विषयमा धेरै खुलासा भएका छन् ।डेपुटी स्टेट कोरोनर ज्याकी हकिन्सले उक्त महिला ‘सेल्फी रक’ मा पुगेर फर्किन खोज्दै गर्दा उनको खुट्टा चिप्लिएर तल खसेको बताए ।