उदयपुरमा खेत जोतेर फर्कदै गर्दा बाबुले चलाएको ट्याक्टर पल्टीदा छोराको मृत्यु
जेठोखबर
उदयपुर । उदयपुरमा ट्याक्टर दुर्घटनामा परी एक बालकको मृत्यु भएको छ । जिल्लाको त्रियुगा नगरपालिका वडा नम्बर १ रुपनीमा ट्याक्टर पल्टिदा स्थानीय सत्यनारायण चौधरीका १० वर्षीय छोरा नितेसको मृत्यु भएको हो ।
राती ८ः०० बजे स १ त ४२९३ नम्वबरको ट्याक्टर घर नजिकै पल्टिएको जिल्ला प्रहरी कार्यालय उदयपुरका प्रवक्ता डीएसपी बेदप्रसाद गौतमले जानकारी दिए ।
डीएसपी गौतमका अनुसार दुर्घटनामा परी घाइते बालकलाई बोक्सेस्थित जिल्ला अस्पताल उदयपुरमा उपचार हुँदै गर्दा डाक्टरले मृत घोषणा गरेको थियो ।
दुर्घटनामा मृतक नितेसका दाई १२ वर्षीय निमेश समेत घाइते भएका छन् ।
उनको पनि जिल्ला अस्पलतालमै उपचार भइरहेको प्रहरीले जनाएको छ ।
प्रहरीका अनुसार दुर्घटनामा परेको ट्याक्टर मृतक नितेशका बाबु सत्यनारायणले नै चलाईरहेका थिए ।
घर नजिकैको बाँझो खेत जोतेर फर्कने क्रममा ट्याक्टर अनियन्त्रीत भई पल्टीएको पनि उदयपुर प्रहरी प्रवक्ता गौतमको भनाई छ ।
श, व पोस्टमार्टमपछि परिवारजनलाई जिम्मा लगाइएको छ ।जेठोखबर बाट
प्रतिक्रिया
सम्बन्धित खवर
