काठमाडौं । केही दिनदेखि प्रधानन्यायाधीश चोलेन्द्र शमशेर जबराको विपक्षमा मात्रै नभई पक्षमासमेत आन्दोलन हुन थालेको छ ।
जबरालाई निकाल्न नपाईने भन्दै एकथरी समूह विरोध प्रदर्शनमा उत्रिएको छ भने अर्को समूह जसरी पनि प्रधानन्यायाधीश जबराले राजीनामा दिनुपर्ने बताइरहेका छन् ।
प्रधानन्यायाधीश चोलेन्द्र शम्शेर जबराको पक्षमा आन्दोलनमा आउनेलाई लज्जास्पद ढंगबाट नगद हातहातमा बाढिएको दृश्य बाहिरिएको छ ।
उनको पक्षमा भइरहेको स्वतन्त्र न्यायालयको नामको आन्दोलनमा सहभागीहरुलाई नगदै पैसा बाढिएको पाइएको हो ।
प्रदर्शनमा सहभागीहरुलाई विचौलियाहरुले प्रतिव्यक्ति ४ सय रुपैयाँदेखि १ हजार रुपैयाँसम्म दिएको पाइएको हो । प्रधानन्यायाधीश जबराको पक्षमा उनीहरुले केहीदिन अघि देखि माइतीघर मण्डलामा प्रदर्शन गर्दै आएका छन् ।
खुजुरा पैसा नभएपछि विचौलियाहरुले स्थानिय पसलबाट खुजुरा साट्दै सहभागीलाई ४ सयदेखि १ हजार रुपैयाँ सम्म वितरण गरेका हुन् ।
सोमबार प्रदर्शनमा आएका सहभागीहरुले ‘भोली नेपाल बन्दको पनि पैसा चाहिन्छ’ भन्दै आवाज समेत उठाएका थिए ।
आन्दोलनमा सहभागीहरुले नाम लेखाएपछि मात्रै प्रति व्यक्तिका दरले पैसा पाइने बताए । ‘घरमा यसै बस्नु भन्दा ५ सय भनेपनि आउँछ । ७–८ दिन यस्तै चलिरहे त ८–१० हजार कमाई हुन्थ्यो,’ एक सहभागीले भने, ‘म त जावलाखेलमा मजदुरी गर्ने मान्छे हुँ ।’
आन्दोलनमा सहभागीहले कसैले एक हजार पाएको त कसैले २ हजार पाएको बताए । कतिपयले भने ४ सय रुपैयाँमै आन्दोलनमा आएको बताए ।
प्रतिक्रिया
सम्बन्धित खवर
